Haukar.is
Félagið mitt

Uppskeruhátíð yngriflokka var haldinn í kvöld mánudag 14.maí að viðstöddum iðkenndum og fjölmörgum foreldrum og aðstandendum. Hátíðin hófst á árlegri keppni í Bolla en að henni lokinni voru veitt verðlaun í til þeirra iðkennda sem þjálfarar deildarinnar töldu aðhefðu skarað fram úr síðast liðinn vetur.

Gísli Guðlaugsson formaður barna- og unglingaráðs stjórnaði hátíðinni sem var mjög glæsileg. Allir iðkenndur í minnibolta 10 ára og yngri fengu viðurkenningar, 

Leikmenn 10 flokks karla fengu sérstaka viðurkenningu en þeir urðu bæði Íslands- og bikarmeistarar í sínum árgangi. Þá fengu alls 10 leikmenn viðurkenningu fyrir að vera valdir í landsliðshópa yngri landsliða Íslands. Hér má sjá myndasafn frá hátíðinni.

Eftirtaldir iðkenndur hlutu viðurkenningu á hátíðinni:

Haukar í samvinnu við Helenu Sverrisdóttur standa fyrir séræfingum fyrir allar stelpur 12 ára og eldri og hefjast æfingar föstudaginn 18. maí. Lögð verður áhersla á einstaklingsmiðaða þjálfun þar sem mið er tekið af getu hvers og eins. Gerð verður áætlun í upphafi fyrir hvern og einn og fundið út á hvaða þætti lögð verður áhersla á þannig að hver og einn geti unnið í þeim þáttum sem að hann þarf helst á að halda.

Helena segir að kveikja af því að hún og Haukar ákváðu að setja svona þjálfunarprógramm í gang vera sú að henni hefur alltaf fundist gaman að miðla reynslu til annarra.

Íris Sverrisdóttir og Emil Barja sópuðu að sér verðlaunum á lokahófi körfuknattleiksdeildar á dögunum en fyrir utan það að vera mikilvægustu leikmennirnir fór nafn þeirra meðal annars á stuðningsmannaverðlaunin og Fjalarsbikarinn svo eitthvað sé nefnt.

Mikið stuð var á hófinu þar sem að veislustjóri kvöldsins, Henning Henningsson, fór á kostum og sýndi að hann er algjört kamelljón en hann kom fram í hinum ýmsu búningum sem að glöddu gesti kvöldsins. Sólmundur Hólm, skemmtikraftur, kom og hermdi eftir þjóðþekktum einstaklingum og tók lagið.

Sverrir Sverrisson þjálfari A landsliðs kvenna hefur valið haukastúlkurnar Gunnhildi Gunnarsdóttur, Helenu Sverrisdóttur og Rögnu Margréti Brynjarsdóttur til að leika með liðinu sem tekur þátt í Norðurlandamótinu sem fram fer í Osló, Noregi, dagana 23.-27. maí.